უკრაინის პრეზიდენტის აპარატის უფროსის მრჩეველი მიხაილო პოდოლიაკი უნგრეთის პრემიერ-მინისტრს ვიქტორ ორბანს ურჩევს, დაურეკოს ვლადიმერ პუტინს და მოუწოდოს რუსი დამპყრობლების ჯარების გაყვანა უკრაინის მთელი ტერიტორიიდან.
პოდოლიაკის თქმით, ვიქტორ ორბანის აბსურდული საჯარო პოზიცია კიდევ ერთხელ გამომწვევად შეურაცხყოფს ევროკავშირის ღირებულებებს და ზოგადად საერთაშორისო სამართალს.
“ეს არის ევროპის შეგნებული დამცირება და რუსეთის ტერორისტული ქმედებების თანხმობა. ეს არის აგრესორის შეგნებული გამართლება და წახალისება, გააგრძელოს უკრაინის/ევროპის განადგურება…”, – აღნიშნა პოდოლიაკმა.
პოდოლიაკის თქმით, დროა უნგრეთმა გააცნობიეროს, რომ კონტრშეტევითი ქმედებების გამო, უკრაინა უბრუნებს თავის ტერიტორიებს და ხალხს – ეს სამართლიანი და სავალდებულოა.
”და თუ უნგრეთის პრემიერ-მინისტრს ნამდვილად აწუხებს დანაკარგები, დაე, დაურეკოს თავის მეგობარს პუტინს და სთხოვოს რუსეთის შეიარაღებულ ფორმირებებს გასცდნენ უკრაინის საერთაშორისოდ აღიარებულ საზღვრებს”, – განაცხადა პოდოლიაკმა.
შეგახსენებთ, ვიქტორ ორბანი მხარს უჭერს ცეცხლის შეწყვეტას და უკრაინასა და რუსეთს შორის სამშვიდობო მოლაპარაკებებს უკრაინის კონტრშეტევის დაწყებამდე: ”უკრაინის კონტრშეტევის დაწყებამდე ყველაფერი უნდა გავაკეთოთ მხარეების დასარწმუნებლად, რომ ცეცხლის შეწყვეტა და სამშვიდობო მოლაპარაკებები აუცილებელია”.
